Eins von 33 Stellenprofilen beim Arbeitgeber Schöni Transport AG
Lifere vo Stückguet-Sändige i der ganze Schwiiz, Abholige mache, Bi de Chunde ou uuf- oder ablade.
D'Firma Schöni Transport AG isch ä Familieunternähmig und transportiert i dä Schwiiz u im Usland.
Für B/E zmindescht de Lehrfahruuswis für dä Aahänger.
Für C/E mindeschtens 3 Jahr Erfahrig uf Ahängerzüg.
Du bringsch folgendes mit: Sehr guets Schwyzerdütsch.
Uf di cha me sech verloh, du machsch di Bruef mit Stolz wie de ou Stolz uf üsi Schwyzer Fahne bisch.
Du hesch em Outo und em räschte Sorg und bisch au fründli mit allne Lüt wo ztüe hesch.
Der Papierchrieg hesch im Griff, und s'Houz bringsch nach der Tour weder hei, we sech das ghört.
Di Laschtwage / Lieferwage isch dini Perle. Das gseht me sofort.
Mir liefere ou üse Teil: Näbem guete Lohn u 30 Franke Tagesspese, chasch Du der no 35 Stutz am Tag zusätzlich verdiene, we de alles guet u richtig machsch.
5 Wuche Ferie und bisch de 50i gsi, de no eis Wücheli derzue, auso gar 6.
Du hesch inere erfolgriche und gsunge Firma ä sichere Job und fingsch ou Kollege hie, mit dene chasch au mou eis im eigene Restaurant go zie oder gar en Jass chlopfe!