One of 6 job profiles at employer DYNOVO AG
I dere Funktion bisch du verantwortlich für Ahgebot sowie Ufträg i eusem ERP System z erfasse und abzwickle. Für das bisch du mit eusne Kunde wie aber au eusne Area Sales Manager stets in engem Ustusch, entweder per Mail oder per Telefon. Wiiter sorgsch du defür, dass eusi Stammdate im System fortlaufend uf de neusti Stand bracht werded.
DYNOVO AG isch es Handelsunternehme, wo im Beriich Reinruumbechleidig, -verbruchsmaterial und Schutzbechleidig tätig isch, also alles so Sache wo defür sorged, dass ganz heikli Produkt zum Biispiel ide Pharmaindustrie suuber bliibed. Mir sind es etablierts Unternehme und pfleged mit euse Kunde und Lieferante langjährigi Partnerschafte, wodurch gueti Beziehige bestönd. Be eus sind dank de flache Hierarchie d Entscheidigsweg churz, du chasch dini eigene Idee ibringe und selbständig schaffe. Es erwartet dich es engagierts, offeherzigs und hilfsbereits Team wo dich selbstverständlich sorgfältig wird iarbeite. Moderni Büro, Parkplatz, Personalrestaurant und ziitgemässi Ahstelligsbedingige runded das Ganze ab.